Vaccination drive sa Antipolo station ng LRT-2 pinalawig pa

Pinalawig pa ang pagbabakuna sa Antipolo station ng LRT-2.

Ayon sa pahayag ng Light Rail Transit Authority (LRTA), dahil sa dumaraming bilang ng mga nagpapabakuna o booster shot, nagdesisyon ang LRTA at ang pamahalaang lungsod ng Antipolo na gawing Lunes hanggang Sabado na ang schedule ng bakunahan sa nasabing istasyon.

Ang oras ng pagbabakuna sa Antipolo station ay mula 8:30am hanggang 4:00pm.

Mananatili namang mula Martes hanggang Huwebes, 8:00am to 5:00pm ang bakunahan sa Recto station ng LRT-2.

Una nang inanunsyo ng LRTA na bibigya ng Libreng 1-Day Unlimited Pass sa LRT-2 ang mga pasaherong magpapabakuna.

Ang Free 1-Day Unlimited Pass ay ibibigay matapos mabakunahan ang pasahero.

Maaaring ipakita ang pass at isang valid ID sa security o station personnel sa service gates ng LRT-2. (DDC)