Anim pang Pinoy mula Ukraine nakarating na sa Moldova

Anim pang Pinoy na lumikas mula sa Ukraine ang dumating sa Moldova.

Ayon sa Department of Foreign Affairs (DFA), ang mga lumikas ay kinabibilangan ng isang fourth-year medical student na nag-aaral sa Bukovinian State Medical University, dalawang Filipino nationals na kasal sa Ukrainian nationals, isa sa kanila ay kasama ang anak, at dalawang Pinoy na nagtatrabaho sa isang international organization.

Ligtas silang nakatawid sa Moldovan.

Inasitihan sila ni Honorary Consul Victor Gaina ng Philippine Honorary Consulate sa Chisinau, Moldova.

Magtutulungan ang Philippine Embassy sa Budapest at ang Philippine Consulate sa Chisinau para ang apat sa anim na Pinoy ay makabiyahe sa Romania kung saan sila kukuha ng repatriation flight patungong Manila.

Ang mga Pinoy na nangangailangan ng repatriation assistance patungo sa borders ng Moldova at Romania ay pinapayuhang makipag-ugnayan sa Philippine Embassy sa Budapest. (DDC)