13 Filipino crew ng Turkish Ship na binomba sa Ukraine, ligtas ayon sa DFA
Ligtas ang lahat ng crew members ng isang Turkish Ship, kabilang ang labing isang Filipino, makaraang bombahin malapit sa Odessa Port sa Ukraine.
Ayon sa Department of Foreign Affairs (DFA), nakikipag-ugnayan na ang Philippine Embassy sa Ankara at Philippine Consulate General sa Istanbul, sa Yasa holding na registered owner ng barko.
Idinagdag ng DFA na na-contact na rin ng Filipino crew members ang kani-kanilang pamilya sa Pilipinas.
Tiniyak ng Philippine Embassy at Consulate General na ipagpapatuloy nila ang pakikipag-ugnayan sa Yasa para sa anumang assistance na maari nilang ibigay sa mga tripulanteng Pinoy. (DDC)
