Ilang Filipino na lumikas mula sa Ukraine, nakarating na sa Poland

Nakarating na sa Poland ang ilang Filipino na lumikas mula sa Ukraine sa gitna ng mga pag-atake ng Russia.
Ayon sa Department of Foreign Affairs (DFA), bumiyahe ang mga pinoy papuntang Lviv City sa Ukraine na malapit sa Polish border at mula roon ay tumawid sila patungong Poland.

Sa video na ibinahagi ng DFA, ang mga Pinoy ay sinalubong ni Foreign Affairs Secretary Teodoro Locsin Jr.

Ayon kay DFA Undersecretary Sarah Lou Arriola, mahigit 40 ang nasa Lviv subalit 13 lamang ang lumikas.

Aniya, maraming Filipino ang nagre-reach out subalit ayaw pa muna nilang umuwi at nais manatili muna dahil sa kanilang good working condition.

Ilan din ang umaasang bubuti rin ang sitwasyon habang ang iba ay nakapag-asawa ng Ukrainian. (Infinite Radio Calbayog)