Tatlong Air Force personnel nasawi sa aksidente sa EDSA

Tatlong tauhan ng Philippine Air Force (PAF) ang nasawi sa aksidenteng naganap sa EDSA Cubao, Quezon City, Biyernes (Feb. 18) ng madaling araw.

Bumangga ang sinasakyang Honda City ng tatlo sa concrete barrier sa EDSA dahilan para masunog ang sasakyan.

Kinumpirma ng PAF na pawang tauhan nila ang lulan ng kotse.

Nakilala ang mga nasawi na sina Airman 1st Class Sabado Angelo, Airman 1st Class Aaron Tabarle at Airman 1st Class Kyle Justine Velasco.

Ang nag-iisang nakaligtas na si Airman Second Class Manuel Ognes ay agad dinala sa ospital. (DDC)