Mga batang kaanak ng empleyado ng DOH, binakunahan na kontra COVID-19

Umarangkada na ang Pediatric Vaccination Drive para sa mga anak, apo at iba pang batang kaanak ng mga empleyado ng Department of Health (DOH).

Isinagawa ang pagbabakuna sa SM City San Lazaro sa Maynila.

Kabilang sa nabakunahan ang apo at pamangkin ni Health Undersecretary Myrna Cabotaje.

Para maging kaaya-aya sa mga bata, nilagyan ng makukulay na dekorasyon ang vaccination site at mayroon ding mga mascot.

Muling umapela ang DOH sa mga magulang na pabakunahan kontra COVID-19 ang kanilang mga anak. (DDC)