Travel requirements sa Canada mas paluluwagin na
Mas paluluwagin na ang travel requirements sa Canada para sa mga biyaherong fully-vaccinated na simula sa February 28.
Papayagan na ng pamahalaan ng Canada na magpresenta na lamang ng resulta ng rapid antigen test ang mga biyahero na darating sa bansa.
Ayon kay Health Minister Jean-Yves Duclos, bumababa na ang kaso ng COVID-19 sa Canada at nalampasan na ang peak ng Omicron.
Nasa 80 percent na ng mga mamamayan ng Canada ang fully vaccinated na. At mahigit 40 percent na ang nakatanggap ng booster dose. (DDC)
