Mahigit 26,000 na PDLs sa mga pasilidad ng BuCor nabakunahan na kontra COVID-19
Mahigit 26,000 na persons deprived of liberty (PDLs) sa mga pasilidad ng Bureau of Correction (BuCor) ang fully-vaccinated na kontra COVID-19.
Ayon sa datos mula sa BuCor, sa 48,436 na kabuuang populasyon ng mga PDLs sa kanilang mga pasilidad, 20,331 ang nabakunahan na ng first dose.
26,251 naman ang fully-vaccinated na kabilang ang mga tumanggap ng single-dose na bakuna.
Kabilang sa mga PDLs na nabakunahan ang mga nasa New Bilibid Prison, Correctional Institute for Women, mga Prison and Penal Farm at iba pang bilangguan na pinangangasiwaan BuCor. (DDC)
