National COVID-19 Vaccination Days target gawing buwanan
Plano ng pamahalaan na magsagawa ng buwanang National COVID-19 Vaccination Days.
Ayon kay Health Undersecretary Myrna Cabotaje, tututukan sa vaccination drives ang mga priority groups gaya ng mga senior citizen.
Sa Laging Handa public briefing, kailangan pang paigtingin ang pagbabakuna sa mga senior citizen.
Sa ikatlong pag-arangkada ng National Vaccination Days, sinabi ni Cabotaje na umabot sa 1.5 million na katao ang nabakunahan hanggang noong February 12.
Base datos ng DOH, mayroon pang 2.5 million na senior citizens at 220,000 na persons with comorbidities ang hindi pa nababakunahan. (DDC)
