Pagbabakuna sa mga edad 5 hanggang 11 sa Valenzuela City ititigil muna habang naghihintay pa ng panibagong suplay ng bakuna

Ititigil muna pansamantala ang pagbabakuna kontra COVID-19 sa mga batang edad 5 hanggang 11 sa Valenzuela City.

Ito ay dahil wala pang dumarating na panibagong suplay ng Pfizer vaccine para sa nasabing age group.

Ayon sa abiso ng Valenzuela City LGU, hihintayin muna ang pagdating ng mga bakuna mula sa national government.

Samantala, tuloy naman ang pagbibigay ng 1st dose at 2nd dose sa mga edad 12 hanggang 17 gulang.

Gayundin ang pagbibigay ng 1st dose, 2nd dose at booster dose sa mga edad 18 pataas. (DDC)