Biyahe ng LRT-2 maaring magkaroon ng delay dahil sa gagawing upgrade sa signaling system
Magsasagawa ng upgrade sa signaling system sa LRT-2.
Ayon sa pahayag ng Light Rail Transit Authority (LRTA), ang proyekto ay para mas maiayos at maging ligtas ang operasyon ng linya ng tren.
Dahil sa gagawing upgrade, makararanas ng pagka-antala sa pagdating at pag-alis ng mga tren sa mga istasyon simula sa Martes, February 15, 2022.
Humingi ng pang-unawa ang LRTA sa mga pasahero dahil sa pansamantalang aba na maidudulot ng proyekto.
Pinayuhan ang mga pasahero na maglaan ng dagdag na oras sa biyahe upang hindi mahuli sa kanilang pagpasok. (DDC)
