‘Lola Basyang’ tampok sa Google Doodle
Binigyang pagpupugay ng Google ang Filipino author at playwright na si Severino Reyes.
Ngayong araw, February 11 ay ginugunita ang ika-161 Kaarawan ni Reyes.
Sa Google Doodle, tampok ang larawan ni Reyes bilang si “Lola Basyang” na kaniyang pen name sa mga isinusulat niya sa Tagalog magazine na ‘Liwayway’.
Ayon sa Google, si Reyes ay itinuturing na “Father of Filipino Drama’.
At dahil sa kaniyang mga kuwento, hanggang sa panahong ito ay kinikilala pa rin ang pangalang ‘Lola Basyang’ ng pamilya Pilipino.
Ang ‘Lola Basyang’ para sa mga Pinoy ay kumakatawan sa lola na naglalahad ng iba’t ibang kwento sa kaniyang mga apo.
Pumanaw si Reyes noong 1942. (DDC)
