Hyun Bin at Son Ye Jin ng CLOY ikakasal na
Ikakasal na ang “Crash Landing on You” stars na sina Hyun Bin at Son Ye Jin.
Ginawa ng couple ang anunsyo sa pamamagitan ng magkahiwalay na pahayag sa Instagram.
Si Son Ye Jin ay nag-post ng litrato ng mini wedding dress sa kanyang Instagram at sinabing “she found someone to spend the rest of [her] life with.”
“Just being with him, I feel warm and protected. Please help us celebrate the beginning of our future,” sabi pa ng Korean actress.
Samantala, si Hyun Bin naman ay nag-issue ng statement sa pamamagitan ng kanyang agency na Vast Entertainment.
Nakasaad sa sulat ng aktor na nais niyang ipabatid sa kanyang fans ang tungkol sa pinakamahalagang desisyon sa kanyang buhay.
Sinabi ni Hyun Bin na gaya ng kanilang mga karakter sa cloy na sina Captain Ri at Yoon Seri, nais nilang mag “walk through the days ahead together.” (Infinite Radio Calbayog)
