Toni Gonzaga iniwan na ang PBB

Kinumpirma ni Toni Gonzaga ang pag-alis niya bilang main host ng “Pinoy Big Brother,” sa gitna ng kontrobersiya ng kanyang tila pagsuporta sa isang mambabatas na nagsulong sa pagpapasara ng kanyang home network na ABS-CBN.

Inanunsyo ng TV host sa kaniyang Instagram ang paglisan niya sa iconic reality series, sa pamamagitan ng mensahe na “it has been my greatest honor to host ‘PBB’ for 16 years.”

Sinabi pa ni Toni na ilan sa best moments niya sa ‘Bahay ni Kuya’ ay nasubaybayan niya ang transition ng lahat ng kanyang co-hosts mula sa pagiging housemates hanggang sa naging PBB’ hosts.

Umaasa naman si Toni na sa kanyang pag-alis bilang main host ay ipagpapatuloy ni Bianca Gonzales at iba pang hosts ang ‘PBB’ Legacy. (DDC)