Mga single na empleyado ng munisipyo sa Jose Abad Santos, Davao Occidental puwedeng mag-leave sa Valentine’s Day; tatanggap ng date allowance
May regalo ang pamahalaang bayan ng Jose Abad Santos sa Davao Occidental sa mga single na empleyado ng munisipyo.
Ayon kay Jose Abad Santos Mayor Jason John Joyce, ang mga single na empleyado ng munisipyo ay papayagang mag-leave sa February 14.
Maliban dito, tatanggap din sila ngP2,000 na date allowance.
Kailangan lamang magpakita ng patunay na may naka-schedule na date sa araw ng mga puso.
Dapat ding walang kasintahan at ang ka-date sa Valentine’s ay hindi pa niya boyfriend o girlfriend.
Pagbalik sa trabaho sa February 15, kailangang maipakita ang larawan na siya ay nakipag-date.
Kung walang maipapakitang patunay, kailangang isauli ang date allowance. (DDC)
