Sinovac nagsumite na ng aplikasyon sa FDA para magamit ang kanilang COVID-19 vaccine sa mga batang edad 3 pataas

Nagsumite na ng aplikasyon ang Sinovac para mapayagan silang magamit ang kanilang bakuna kontra COVID-19 sa mga batang edad 3 pataas.

Ayon kay Department of Health (DOH) Usec. Maria Rosario Vergeire, naisumite na ang aplikasyon ng Sinovac sa Food and Drug Administration (FDA) para mabigyan sila ng Emergency Use Authorization (EUA).

Gayunman, nakabinbin pa aniya ang apliasyon dahil hindi pa nakakakumpleto ang Sinovac ng mga kinakailangang dokumento.

Ani Vergeire, hinihintay na maisumite ang mga kinakailangang dokumento para maisailalim sa masusing pag-aaral ng mga eksperto. (DDC)