Nagbebenta ng pekeng vaxx card arestado sa Bukidnon

Naaresto sa isinagawang entrapment operation ang isang suspek na nagbebenta ng pekeng vaccination card sa Bukidnon.

Ayon kay PNP Chief General Dionardo Carlos, paglabag sa Republic Act 11332 ang pamemeke ng vaccination card.

Sa ikinasang operasyon ng Bukidnon Police Provincial Office (BPPO) sa Barangay Tankulan sa bayan ng Manolo Fortich nadakip ang suspek na si Sharlyn Abdul, 20 anyos.

Nagbenta ang suspek ng dalawang vaccination cards sa undercover operatives sa halagang P700.

Sa ilalim ng Mandatory Reporting of Notifiable Diseases Law, ang mgamahuhuling namemeke ng vaccine cart ay maaring mapatawan ng multa na P20,000 hanggang P50,000 o pagkakakulong ng isa hanggang anim na buwan.

Tiniyak naman ni Carlos na hahanapin ang printing area kung saan ginagawa ang mga pekeng vaccination cards. (DDC)