Kampanya nina Senators Panfilo Lacson at Tito Sotto sa Cavite ilulunsad

Sa pormal na pagsisimula ng kampanya bukas, February 8, ang lalawigin ng Cavite ang napili ng tambalan nina Senator Panfilo Lacson at Senate President Vicente Sotto III para sa launching ng kanilang kampanya.

Isasagawa ng dalawa ang kanilang proclamation rally sa Imus Grandstand sa Cavite.

Dadalo din sa nasabing pagtitipon mga miyembro ng senatorial slate nina Lacson at Sotto na kinabibilangan nila dating Philippine National Police chief Police General Guillermo Eleazar, Dr. Minguita Padilla, at dating Makati Rep. Monsour del Rosario.

Bukas, February 8 opisyal na magsisimula ang campaign period para sa mga kandidatong tumatakbo sa national position. (DDC)