‘Arangkada Para sa Bakuna’ isasagawa sa Cebu City
Magsasagawa ng mobile vaccination drive sa Cebu City simula February 7 hanggang 11.
Idaraos ang vaccination drive na tinawag na ‘Arangkada Para sa Bakuna’ mula 7:00 ng umaga hanggang 3:00 ng hapon sa Malasakit Lounge ng Land Transportation Office (LTO) Region 7 Office, N. Bacalso Ave., Cebu City.
Gagamit ng SinoVac at AstraZeneca vaccine brands para sa pagtuturok ng first, second, o booster doses sa mga transport workers, commuters, at mga kliyente ng LTO.
Sa unang dalawang araw, babakunahan ang gma registered operators at kanilang drivers.
At bubuksan naman na ito sa publiko sa susunod na tatlong araw.
Ang programa ay sa pakikipagtulungan ng Department of Transportation (DOTr) sa Office of the Presidential Assistant for the Visayas (OPAV), LTO at Land Transportation Franchising and Regulatory Board (LTFRB). (DDC)
