9 patay sa aksidente sa Lal-lo, Cagayan

Patay ang siyam na katao kabilang ang isang bata makarang salpukin ng van ang isang bahay sa bayan ng Lal-lo sa Cagayan.

Sa ulat mula sa Cagayan Provincial Information Office, dead on the spot ang isang 10 taong gulang na bata at walong iba pa nang masalpok ng van na minaneho ng isang Army Reservist.

Kagagaling lamang sa lamay ng mga biktima nang maisipan nilang tumambay muna sa bahay na pagmamay-ari ni Renato Olores.

Bigla na lamang sumalpok ang van na minaneho ni Dan Vincent Domingo na residente ng Bulanao, Tabuk, Kalinga.

Galing ang van sa kampo ng 17th IB sa Bangag, Lal-lo at pauwi na rin sana sila nang mangyari ang aksidente.

Sa ngayon ay nasa malubhang kalagayan si Domingo at kasalukuyang ginagamot sa isang pribadong pagamutan sa lungsod ng Tuguegarao. (DDC)