PNP mas pinaigting ang pagbabantay sa mga lugar na nasa Alert Level 2

Mas pinaigting ng Philippine National Police (PNP) ang pagbabantay sa Metro Manila at iba pang lugar sa bansa na nasa ilalim ng Alert Level 2.

Ayon kay PNP chief, Gen. Dionardo Carlos, ngayong nasa Alert Level 2 na lamang ang Metro Manila ay inaasahang mas marami ang lalabas.

Maliban sa Metro Manila nasa Alert Level 2 na lang din ang Batanes, Bulacan, Cavite, Rizal, Biliran, Southern Leyte, at Basilan.

Ayon kay Carlos, mas marami na ang lalabas dahil kahit mga bata ay puwedeng lumabas sa ilalim ng Alert Level 2.

Patuloy ang pagpapaalala ng PNP sa publiko na sundin ang health protocols gaya na lamang ng physical distancing at tamang pagsusuot ng face masks. (DDC)