Mga mamamayan sa France hindi na obligadong magsuot ng face mask

Binawi na ng bansang France ang kautusan na nag-aatas ng mandatory na pagsusuot ng face mask.

Inalis din ang limitasyon sa audience capacity sa mga concert halls, sporting matches at iba pang kahalintulad na events.

Gumagamit ngayon sa France ng vaccination pass kapalit ng naunang health pass.

Simula noong nakaraang buwan, ang mga mamamayan ay kailangang magpakita ng kanilang rekord ng bakuna kontra COVID-19 bago makapasok sa restaurants at bago makasakay sa public transport.

Kasama din sa papayagan na ay ang pagkain sa loob ng mga sinehan, stadiums at sporting events.