Paghahagis ng granada sa isang sabungan sa Maynila iniimbestigahan na ng PNP

Pinasisiyasat na ng Philippine National Police (PNP) sa Manila Police District (MPD) ang paghahagis ng granada sa isang sabungan sa Maynila.

batay sa ulat, nangyari ang insidente noong Jan. 27, 6:00 ng gabi kung saan nakita ng naka-duty na security guard ang dalawang suspek na sakay ng motorsiklo.

Wala namang nasaktan sa insidente, at nang rumesponde ang mga tauhan ng Sta. Ana Police Station ay nakita nila ang granada sa lugar.

Ayon kay PNP Chief Police General Dionardo Carlos, sunud-sunod na ang mga untoward incident na nangyayari sa mga sabungan.

Kabilang na dito ang magkakasunod na pagkawala ng mga sabungero.

Nakikipag-ugnayan na ang PNP sa mga opisyal ng barangay at kinakalap na ang CCTV recording sa lugar. (DDC)