Buhay na Bearded Dragons nakumpiska ng Customs sa Clark
Nakumpiska ng mga tauhan ng Bureau of Customs (BOC) ang apat na buhay na “Bearded Dragons” na isang uri ng reptiles.
Ang mga ito ay nasa isang kargamento na idineklarang naglalaman ng “Tupperware” at galing ng Malaysia.
Isinailalim sa x-ray scanning ang kargamento at doon nakita ang kahina-hianlang laman sa loob nito dahilan para magsagawa ng 100% physical examination ang mga tauhan ng Customs.
Ayon sa BOC, walang Sanitary & Phytosanitary Certificate at Veterinary Health Certificate mula sa Department of Environment and Natural Resources (DENR) ang mga inangkat na hayop.
Ibinigay sa DENR ang pangangalaga ng mga Bearded Dragon. (DDC)
