DOLE nagpaalala sa tamang pagpapasweldo sa mga empleyado para sa dalawang holiday sa buwan ng Pebrero

Pinaalalahanan ng Department of Labor and Employment (DOLE) ang mga employers hinggil sa tamang pagbabayad ng holliday pay sa dalawang holiday sa buwan ng Pebrero.

Ayon sa DOLE, kapwa special non-working days ang February 1 – Chinese New Year at ang February 25 – EDSA People Power Revolution Anniversary.

Sa ilalim ng Labor Advisory No. 3, Series of 2022 ni Labor Secretary Silvestre Bello III, nakasaad ang gabay sa mga empleyado at kanilang employers para sa tamang computation ng premium pay sa dalawang special non-working days.

Ang mga empleyadong papasok sa dalawang nabanggit na petsa ay dapat bayaran ng dagdag na 30 percent ng kanilang basic wage sa unang walong oras ng pagtatrabaho.

Kung ang empleyado ay mag-o-overtime, babayaran siya ng dagdag na 30 percent ng kaniyang hourly rate. (DDC)