NBI hiniling na mailipat sa BJMP si Kerwin Espinosa

Hiniling ng National Bureau of Investigation (NBI) sa Department of Justice (DOJ) na mailipat si Rolan “Kerwin” Espinosa sa Bureau of Jail Management and Penology (BJMP) sa Bicutan, Taguig City.

Ayon kay NBI OIC-Director Eric B. Distor, ito ay upang matiyak ang seguridad ni Espinosa na nakasailalim sa Witness Protection Program ng pamahalaan at akusado din sa iba’t ibang mga kaso.

Ani Distor kung aaprubahan ni Justice Sec Menardo Guevarra ang kanilang kahilingan ay agad ililipat si Espinosa sa BJMP na mas may sapat na seguridad at kagamitan para sa mga high profile prisoner.

Magugunitang noong January 13, 2022, napigilan ang tangkang pagtakas ni Espinosa sa NBI detention facility. (DDC)