Mga kubol sa maximum security compound ng Bilibid, giniba

Giniba ang mga kubol sa East Quadrant ng Maximum Security Compound sa New Bilibid Prisons.

Ayon sa Bureau of Corrections (BuCor) ito ay para maiwasan ang pagtatago ng mga hindi otorisadong kagamitan at para mapabuti din ang security environment sa lugar.

Bago ang demolisyon, nagsagawa ng inspeksyon sa mga kubol ang mga tauhan ng BuCor kasama ang K9 teams mula sa PNP at Philippine Coast Guard.

Nakumpiska ang aabot sa 500 bladed at improvised deadly weapons.

Ang nabakanteng lugar matapos magiba ang mga kubol ay gagamitin ng NBP sa iba pang aktibidad gaya ng sports at educational projects para sa mga PDLs. (DDC)