Mga korte sa anim pang lalawigan na isinailalim sa Alert Level 3 isasara hanggang Feb. 15
Ipinag-utos ng Korte Suprema ang pagsasara sa lahat ng mga korte sa anim pang lalawigan na isinailalim sa Alert Level 3.
Sa nilagdaang circular ni Deputy Court Administrator Raul Bautista Villanueva, simula ngayong araw Jan. 28 hanggang sa Feb. 15 ay sarado ang lahat ng first at second level courts sa Palawan, Camiguin, Davao Occidental, Dinagat Islands, Tawi-Tawi at Sulu.
Pinapayuhan ang publiko na wala munang tatanggapin transaksyon sa mga korte sa nasabing mga lugar hanggang Feb. 15.
Una nang itinaas ng IATF ang Alert Level 3 sa anim na nabanggit na lalawigan. (DDC)
