Anim pang lugar sa bansa isinailalim sa Alert Level 3
Anim na lalawigan ang isinailalim sa mas mataas na Alert Level 3 simula ngayong Biyernes, Jan. 28.
Kinabibilangan ito ng Palawan, Camiguin, Davao Occidental, Dinagat Islands, Tawi-Tawi at Sulu.
Ayon kay Acting Presidential Spokesman, Cabinet Secretary Karlo Nograles, inaprubahan ng Inter-Agency Task Force ang pagtataas ng Alert Level sa nasabing mga lugar.
Sinabi ni Nograles na epektibo ang alert level classification sa mga naturang probinsya hanggang sa Feb. 15.
Aniya, ang pagtataas ng alert level sa isang lugar ay nangangahulugan na may paglobo ng COVID-19 infections sa lokalidad, kaya kailangan ng mas mahigpit na mga panuntunan. (Infinite Radio Calbayog)
