P13.6M na halaga ng shabu nakumpiska sa isang suspek sa Makati
Arestado ang isang lalaking suspek sa ikinasang buy bust operation ng mga otoridad sa Makati City.
Nakumpiska sa suspek na si Aldren Mariscal, 21 anyos ang aabot sa P13.6 million na halaga ng shabu.
Ayon sa Southern Police District, ikinasa ng mga tauhan ng of Makati City Police ang operasyon sa Evangelista Street kanto ng Arnaiz Ave. Brgy. Bangkal, na nagresulta sa pagkakadakip kay Mariscal.
Maliban sa 2000 grams ng shabu nakumpiska din sa suspek ang dalawang plastic bag na may markang “Ninja Van”, dalawang eco bags, P2000 na buy bust money at 898 na piraso ng 1.000 peso bill na ginamit bilang boodle money. (DDC)
