Libreng flu vaccine ibibigay sa mga residente ng San Juan
May libreng flu vaccines ang San Juan City Local Government para sa mga residente nito.
Ayon kay San Juan City Mayor Francis Zamora, magbibigay ang pamahalaang lungsod ng libreng flu vaccines sa January 27, 2022.
Isasagawa ito mula 9:00 ng umaga hanggang 5:00 ng hapon sa Multipurpose Hall ng Barangay Kabayanan.
Kabilang sa maaring maturukan ng libreng bakuna ang mga edad 5 taong gulang pataas.
Prayoridad ang mga Senior Citizen at Persons with Comorbidities. (DDC)
