Lahat ng aktibidad sa Chinese New Year kinansela ng Manila City LGU

Iniutos ni Manila Mayor Isko Moreno ang pagkansela sa lahat ng aktibidad para sa Chinese New Year sa Binondo.

Nilagdaan ng alkalde ang Executive No. 11 na nagkakansela sa lahat ng aktibidad sa Chinese New Year bilang pag-iingat sa banta ng COVID-19.

Sakop ng kautusan ang 20 mga barangay sa Binondo.

Pakiusap ni Moreno sa mga Filipino-Chinese na huwag nang magsagawa ng dragon dance, at huwag nang gumamit ng paputok o firecrackers.

Ipinagbawal din ng alkalde ang pagbebenta at pag-inom ng nakalalasing na inumin mula Jan. 31 hanggang Feb. 1. (DDC)