Dalawang brand ng COVID-19 home/self-test kits aprubado na ng FDA
Inaprubahan na ng Food and Drug Administration (FDA) ang paggamit ng dalawang brand ng COVID-19 home/self-test kits.
Ang dalawang brand ay ang Panbio COVID-19 Antigen Self-Test (Abbot) at ang SARS-COVID-2 Antigen Rapid Test (Labnovation Technologies Inc.).
Ayon sa datos ng FDA mayroon nang 116 na sertipikadong COVID-19 Test Kits sa bansa.
45 dito ay PCR Test Kits, 27 ang Antibody Test Kits.
Sa Antigen Test Kits naman, mayroong 42 brand na sertipikado ng FDA pero dapat ay gagamitin ito ng may tulong mula sa propesyunal.
Habang dalawang brand pa lamang ang aprubado na Home Self-Testing Kits.
Ayon naman kay FDA OIC Oscar Gutierrez marami nang Antigen Test Kits ang naipull out sa merkado dahil hindi pumasa sa standard ng ahensya,
Sa kabuuan ay 86 antigen test kits aniya ang inalis na sa merkado makaraang bumagsak sa RITM performance validation; hindi sila rehistrado o otorisado o kaya naman ay kusa nilang isinuko ang kanilang certification. (DDC)
