82-anyos na lolo inaresto sa Eastern Samar sa kasong Statutory Rape
Inaresto ng mga otoridad ang isang 82 anyos na lolo sa Eastern Samar dahil sa kasong Statutory Rape.
Ayon sa Eastern Samar Police, nagsagawa ng manhunt operation ang pinagsanib na pwersa ng Maydolong Municipal Police Office, at Eastern Samar Police laban sa suspek na si Alfredo Ladiao na residente ng Barangay del Pilar sa Maydolong.
Si Lolo Ladiao na isang magsasaka ay nasa listahan ng Most Wanted Person sa Munispalidad ng Maydolong.
Ang pag-aresto sa lolo ay sa bisa ng warrant of arrest na inilabas ng Borongan City RTC Branch 2 dahil sa kasong Statutory Rape na kinakaharap nito.
Walang piyansa na inirekomenda ang korte para sa pansamantalang paglaya ng lolo. (DDC)
