Apat na katao huli sa aktong nagpo-pot session sa isang hotel sa Cagayan
Timbog ang apat na katao matapos mahuli sa akto habang nagpo-pot session sa isang hotel sa Baggao, Cagayan.
Ayon sa datos mula sa PRO2, kinilala ang mga nadakip na sina JayJay Gannaban Iglesia, Kevin Duruin Gawiran, Raymart Cristobal Maggay at isang menor de edad Alyas Kelong.
Matagal ng minamatyagan ng kapulisan ang isa sa mga suspek dahil sa kilala itong tulak ng bawal na droga sa naturang bayan.
Nang makatanggap sila ng tip mula sa kanilang asset na may pot session na magaganap sa isang pribadong hotel ay agad nagsagawa ng raid sa naturang hotel.
Matapos masiguro ang kwarto at presensiya ng mga suspek sa pribadong hotel ay agad na pinasok na ng mga operatiba ang kwarto at hinuli ang mga suspek. (DDC)
