Truck na may lulang mga pampasabog naaksidente sa Ghana, 17 ang patay

Patay ang labingpitong katao habang limampu’t siyam pa ang sugatan sa pagsabog na naganap sa western Ghana.

Ito ay makaraang bumangga sa motorsiklo ang isang truck na naglalaman ng mga pampasabog na gagamitin dapat sa isang minahan.

Nadamay sa pagsabog ang mga kalapit na gusali at nagdulot ito ng malaking sunog.

May nadamay ding aabot sa 500 mga bahay, ang iba dito ay natupok ng apoy.

Ang Apiate sa western Ghana ay mayaman sa mineral.

Noong Hunyo, siyam na katao ang nasawi sa bahagi naman ng northern Ghana dahil sa pagguho ng isang ilegal na minahan. (DDC)