Sesyon ng Kamara muling nag-adjourn; 70 ang nagpositibo sa COVID-19
Maagang tinapos ang sesyon ng Kamara makaraan ang muling pagbubukas nito noong Lunes.
Inanunsyo ni House Speaker Allan Velasco ang adjournment ng sesyon ng Kamara sa loob ng susunod na mga araw.
Ayon kay Velasco, 70 kasi ang nagpositibo sa COVID-19 na kinabibilangan ng mga mambabatas at mga empleyado ng Kamara.
Maliban sa mga nagpositibo, marami din ang naka-quarantine dahil sila ay close contacts ng mga COVID-19 positive.
Nang mag-resume ang sesyon ng Kamara noong Lunes, 19 na panukalang batas ang naipasa sa third and final reading.
Muling magbabalik ang sesyon sa Kamara sa January 24. (DDC)
