Tatlong preso tumakas sa Maximum Security Compound ng Bilibid
![Tatlong preso tumakas sa Maximum Security Compound ng Bilibid](https://newsflash.ph/wp-content/uploads/2022/01/Jan-17-Bucor-Takas1.jpg)
Kinumpirma ng Bureau of Corrections (BuCor) na tatlong preso ag nakatakas mula sa Maximum Security Compound ng New Bilibid Prisons (NBP).
Nangyari ang pagtakas dakong ala 1:20 ng madaling araw ngayong Lunes, January 17.
Kinilala ang mga tumakas na preso na sina Arwin Bio, 35 anyos at may kasong murder at frustrated murder; Drakilou Yosores, 34 anyos at may kasong Robbery with Homicide; at si Pacifico Villaruz na may kasong Frustrated Homicide at Attempted Homicide.
Umapela ang BuCor sa publiko na agad ipagbigay-alam sa mga otoridad kung mamamataan ang tatlong tumakas na preso.
Maaring tumawag sa hotline numbers na 0917-804-9362 at 0918-600-1081 o kaya ay pwede ring i-report sa pinakamalapit na police station. (DDC)