Kerwin Espinosa, dalawang iba pa nagtangkang tumakas sa NBI Detention Center

Naharang ng National Bureau of Investigation (NBI) ang tangkang pagtakas sa selda ni Rolan “Kerwin” Espinosa at dalawang iba pang preso sa NBI Detention Center.

Ayon kay NBI OIC-Director Eric B. Distor, noong January 13, 2022, nakatanggap ng impormasyon ang hepe ng NBI Security Management Section (SMS) na nagpaplano si Espinosa at dalawang iba pang detainees na tumakas sa pamamagitan ng butas na pinaglalagyan ng exhaust fan sa kisame.

Agad nagsagawa ng inspeksyon sa selda at doon nakita ang pagtatangkang pagbaklas sa exhaust fan.

Dahil sa insidente, lalong hinigpitan ang seguridad sa bilangguan. (DDC)