Proseso sa pagbabakuna mas pinabilis
Naglabas ng abiso ang National Vaccines Operation Center o NVOC hinggil sa pagpapabilis ng proseso sa pagpapabakuna kontra COVID-19.
Batay sa updated na polisiya, mas pinasimple ang proseso sa pagpapabakuna.
Pinapayagan na ang walk-in at hindi na kailangang magparehistro online.
Hindi na rin kailangang magpakita ng medical clearance o medical certificate maliban na lamang kung mayroong autoimmune disease, HIV, cancer, transplant patients, sumasailalim sa steroid treatment at bedridden.
HIndi na rin kailangang kuhanan ng blood pressure maliban na lamang kung ang magpapabakuna ay hypertensive. (DDC)
