Iran nakapagtala ng unang tatlong nasawi dahil sa Omicron variant ng COVID-19
Naitala ng bansang Iran ang unang tatlong nasawi dahil sa Omicron variant ng COVID-19.
Ayon sa Health Ministry spokesman na si Mohammad Hashemi, nakapagtala ng tig-iisang nasawi sa mga lungsod ng Tabriz, Yazd at Shahrekord.
Kamakailan, inalis na ng Iran ang pinaiiral na land travel restrictions mula at patungo sa mga kalapit bansa nito at ilang European states.
Pero pinaiiral pa rin ang travel ban sa mga galing ng Britain, France at walong bansa mula Southern Africa. (DDC)
