Natitirang P3,000 sa Service Recognition Incentive matatanggap na ng mga kawani ng DepEd

Nakatakda nang ipalabas ng Department of education ang natitirang P3,000 mula sa P10,000 Service Recognition Incentive (SRI) ng mga guro.

Ayon sa DepEd, kabuuang P2,861,520,000 ang ipalalabas na halaga para dito.

Noong nakaraang buwan ng Disyembre, naipamahagi ng DepEd ang P7,000 sa kanilang mga empleyado.

Tinatayang 954,766 na teaching at non-teaching employees ang kwalipikadong makatanggap ng SRI. (DDC)