Manila LGU inisyuhan ng show cause order ang UE dahil sa hindi pagtalima sa idineklarang “health break”
Nagpalabas ng show cause order si Manila Mayor Isko Moreno laban sa University of the East.
Kasunod ito ng hindi pagtalima ng pamunuan ng UE sa idineklarang “health break” ng Pamahalaang Lungsod ng Maynila kung saan idinedeklara ang suspensyon ng klase sa lahat ng antas sa lungsod mula Jan. 14 hanggang Jan. 21.
Katwiran ng pamunuan ng UE, walang kapangyarihan ang alkalde na magsuspinde ng klase sa tertiary level.
Sa nilagdaang show cause order, pinagpapaliwanag ni MOreno ang pamunuan ng unibersidad sa loob ng tatlong araw.
Sinabi ng alkalde na ang deklarasyon ng isang linggong health break ay para mabigyang pagkakataon ang mga mag-aaral at faculty members na makapag-recharge physically at mentally.
At para magkaroon din ng sapat na panahon na gumaling ang mga tinamaan ng COVID-19. (DDC)
