Radio commentator sa Tacurong City patay sa pamamaril
Nasawi sa pamamaril ang isang radio commentator sa Tacurong City, Sultan Kudarat, Miyerkules, Jan. 12 ng umaga.
Ayon sa National Union of Journalist of the Philippines, binaril ng dalawang suspek ang biktimang si Jaynard Angeles.
Nasa Falle Auto Repair Shop sa Barangay New Carmen ang biktima nang siya ay tambangan.
Si Angeles ay radio commentator sa Radyo ni Juan Tacurong at may programang “Tinig ng Bayan”.
Mahigit sampung taon na si Angeles sa industriya.
Maliban sa pagiging radio commentator, naghain din si Angeles ng kaniyang Certificate of Candidacy para tumakbong konsehal sa Lambayong, Sultan Kudarat. (DDC)
