PNP nagdagdag ng quarantine facilities sa Camp Crame
Nagbukas ng dagdag na quarantine facilities ang Philippine National Police sa loob ng Camp Crame Headquarters para sa mga pulis na maaapektuhan ng COVID-19.
Ayon kay PNP Chief, Police General Dionardo Carlos, mayroong dagdag na 80 beds sa kanilang Training Service facility habang dagdag na 100 beds ang inilagay sa Badminton Court.
Nananatili namang ang Kiangan Emergency Treatment Facility ang primary quarantine facility sa Camp Crame para sa mga COVID-positive cases.
Ani Carlos, ang mga asymptomatic na PNP personnel ay pinapayagan na mag-home quarantine pero kailangang regular na i-report ang kanilang conditions sa monitoring medical team. (DDC)
