Pinsala sa sunog sa Starmall Alabang umabot sa P100M ang halaga

Umabot sa nasa P100 milyon ang halaga ng pinsala sa sunog na naganap sa Starmall Alabang.

Alas 12:21 na ng tanghali ng Linggo (Jan.9) nang maideklarang fire out ang sunog o 33 oras mula nang magsimula ito noong Sabado ng madaling araw.

Nakapagtala naman ng apat na bumbero na nasugatan sa sunog.

Ayon sa pahayag ng pamunuan ng Starmall, nakikipag-ugnayan sila sa mga otoridad para matukoy kung ano ang pinagmulan ng apoy.

Patuloy din ang koordinasyon sa kanilang mga tenants.

Nagpasalamat naman ang Starmall sa lahat ng bumbero at volunteers na tumulong para maapula ang apoy. (DDC)