Pang. Duterte hinimok ang publiko na ipagdasal ang recovery ng bansa ngayong Kapistahan ng Itim na Nazareno

Sa paggunita ng Kapitstahan ng Itim na Nazareno, hiniling ni Pangulong Rodrigo Duterte sa publiko na ipanalangin ang recovery ng bansa sa pandemya ng COVID-19.

Ayon sa pangulo, bagaman hindi naisagawa ang nakagawian nang Traslacion na ilang dekada nang aktibidad, maaring ipagdiwang ang Kapistahan ng Itim na Nazareno sa pamamagitan ng pagdarasal para sa kagalingan lalo na ng mga nararanas ng COVID-19.

Kasabay nito ay binati ng pangulo ang lahat ng Katolikong Pilipino hindi lamang sa Pilipinas kundi maging ang mga nasa ibang bansa. (DDC)