18 healthcare workers sa Vicente Sotto Memorial Medical Center nagpositibo sa COVID-19

Kinumpirma ng pamunuan ng Vicente Sotto Memorial Medical Center sa Cebu City na nakapgtala ito ng clustering ng kaso ng COVID-19 sa kanilang Operating Room (OR).

Sa opisyal na pahayag ng ospital, 18 sa kanilang healthcare workers ang nagpositibo sa sakit.

Kabilang dito ang mga sumusunod:

Doctors – 4
Nurses – 7
Nursing attendants – 2
Institutional workers – 5

Ayon kay VSMMC Medical Center Chief II Dr. Gerardo M. Aquino, sa 18 OR healtcare workers na positibo sa sakit, 8 ang nakitaan ng mild na sintomas, 10 naman ang asymptomatic.

Lahat sila ay stable ang kondisyon.

Ayon kay Aquino, isinara ang kanilang OR simula hanggang araw hanggang sa January 7, 2021 para makapagsagawa ng decontamination at infection prevention and control protocol.

Tumatanggap pa din naman ng emergency surgical procedures ang pagamutan.

Tiniyak din ng VSMMC na tuloy ang kanilang serbisyo sa publiko. (D. Cargullo)