Suga ng BTS naka-recover na sa COVID-19
Gumaling na sa COVID-19 ang miyembro ng K-Pop sensation na BTS na si Suga.
Kinumpirma ito ng Big Hit Music.
Ayon sa pahayag, ngayong araw, January 3 ang huling araw sa quarantine ni Suga.
Isinailalim sa home quarantine si Suga sa nakalipas na sampung araw o mula noong December 24.
Sa kabuuan ng kaniyang quarantine ay hindi naman nakaranas ng sintomas si Suga.
Nananatili naman sa quarantine ang dalawa pang miyembro ng BTS na sina RM at Jin na kapwa din nagpositibo sa COVID-19. (DDC)
