Mga sinehan sa Metro Manila mananatiling bukas

Mananatiling bukas ang mga sinehan sa Metro Manila sa ilalim ng pag-iral ng Alert Level 3.

Ayon sa abiso ng Movie and Television Review and Classification board o MTRCB, ang mga sinehan ay pinahihintulutan na mag-operate sa mga sumusunod na maximum allowed capacities:

Indoor Cinemas: 30% para sa mga fully vaccinated
Outdoor Cinemas: 50%

Kinakailangan ayon sa MTRCB na ang mga on-site na empleyado ng mga sinehan ay fully vaccinated:

Kasabay nito nanawagan si MTRCB Executive Director II at Spokesperson Benjo Benaldo sa publiko na maging mga responsableng manonood sa pamamagitan ng pagsunod sa minimum public health standards.

Hinikayat din ni Benaldo ang mga mamamayan na magpabakuna na laban sa COVID-19. (DDC)